Sara Björk spilaði allan leikinn í tapi

Sara Björk Gunnarsdóttir var í byrjunarliði Wolfsburg er liðið fór í heimsókn til Freiburg í morgun í þýsku deildinni í sannkölluðum toppslag.

Það var heimaliðið í Freiburg sem byrjaði leikinn betur og komust þær yfir strax á 8. mínútu og var það Giulia Gwinn sem skoraði markið og var staðan 1-0 í hlé.

Í seinni hálfleiknum reyndu gestirnir hvað þeir gátu að jafna metin en allt kom fyrir ekkii og því fengu Freiburg stigin þrjú.

Eftir leikinn er Freiburg í 1.sæti deildarinnar með 19 stig á meðan Wolfsburg er einu sæti neðar með 16 stig.