Samúel Kári spilaði hálfleik í tapi gegn stjörnuprýddu liði United

Manchester United átti ekki í miklum vandræðum með norska liðið Vålerenga í æfingarleik í Noregi í dag, en lokatölur urðu 3-0 sigur United.

Samúel Kári Friðþjónsson spilaði síðari hálfleikinn fyrir Vålerenga, en United-stilltu upp afar sterku liði. Byrjunarliðið má sjá neðst í fréttinni.

Staðan var markalaus í hálfleik, en mörkin þrjú komu öll í síðari hálfleik. Marouane Fellaini kom United yfir á 45. mínútu, en þremur mínútum síðar tvöfaldaði Romelu Lukaku forystuna.

Þannig hélst staðan þangað til á 71. mínútu þegar Scott McTominay kom United í 3-0, en United hreyfði mikið við liðinu þegar líða fór á leikinn.

Here is how we'll line up for the penultimate game of #MUTOUR... ⚪️ pic.twitter.com/u6QOoTG0MA

— Manchester United (@ManUtd) July 30, 2017