Neymar skrifar undir á laugardag

Brasilíumaðurinn Neymar verður áfram í herbúðum Barcelona næstu fimm árum en félagið tilkynnti í dag að framherjinn muni á laugardag skrifa undir nýjan samning.

Félagið hafði áður tilkynnt að nýr samningur væri í burðarliðnum og nú hefur það verið staðfest að Neymar muni skrifa undir hann á laugardaginn.

Neymar kom til Barcelona frá Santos í Brasilíu árið 2014 og verið í lykilhlutverki í einni bestu sóknarlínu heims, með Lionel Messi og Luis Suarez.

MSN-tríóið, eins og það er kallað, skoraði 122 mörk samanlagt á fyrstu leiktíð sinni smaan og 131 mark á síðasta tímabili.

Þá var einnig tilkynnt í dag að varnarmaðurinn Javier Mascherano verði áfram hjá Barcelona til 2019 eftir að hann skrifaði undir nýjan samning.

Hann hefur verið á mála hjá Barcelona í sjö ár og spilað á þeim tíma í 290 leikjum fyrir félagið.