Sky Sports fullyrðir að Mourinho sé búinn að skrifa undir

Sky Sports fullyrðir að José Mourinho sé búinn að skrifa undir samning við enska úrvalsdeildarliðið Manchester United.

Sky Sports segir að Mourinho hafi hitt Ed Woodward, stjórnarformann United, á hóteli í London og skrifað undir samninginn.

Mourinho tekur við starfi knattspyrnustjóra United af Louis van Gaal en Hollendingurinn var rekinn fyrr í vikunni eftir tvö ár í starfi.

United verður annað liðið sem Mourinho stýrir á Englandi en hann var áður stjóri Chelsea, fyrst 2004-2007 og svo 2013-15. Portúgalinn gerði Chelsea þrisvar sinnum að Englandsmeisturum.