Neuer bestur þriðja árið í röð

Þýski landsliðsmarkvörðurinn Manuel Neuer er augljóslega enn í sérflokki enda valinn sá besti í heiminum þriðja árið í röð.

Þetta eru verðlaun sem alþjóðasamtök fótbóltasögunnar og tölfræðinga standa fyrir. Sérfræðingar frá 50 löndum taka þátt í kjörinu. Neuer fékk 188 stig í kjörinu eða 110 fleiri atkvæði en Gianluigi Buffon sem varð annar.

„Ég er alltaf ánægður að fá þessi verðlaun en titlar með félaginu skipta mig meira máli,“ sagði þessi magnaði markvörður Bayern München.

Topp fimm listinn:

1. Manuel Neuer, Bayern München

2. Gianluigi Buffon, Juventus

3. Claudio Bravo, Barcelona

4. David de Gea, Man. Utd

5. Thibaut Courtois, Chelsea