Nielsen tekur framúr Jensen sem algengasta eftirnafn Dana

Nielsen hefur nú tekið framúr Jensen sem algengasta eftirnafnið í Danmörku.

Þetta er í fyrsta sinn sem Jensen trónir ekki á toppnum frá því að hagstofa Danmerkur hóf skráningar á eftirnöfnum danskra ríkisborgara.

Í næstu sætum eru svo Hansen, Pedersen og Andersen.

Í frétt DR segir að þrátt fyrir að eftirnöfn sem enda á -sen skipi fimm efstu sæti listans þá hafi fólki með slík eftirnöfn fækkað.

48 prósent Dana bera nú nöfn sem enda á „sen“, en fyrir þrjátíu árum var hlutfallið 66 prósent.