Ólafur Ingi fór meiddur af velli í tapi

Ólafur Ingi Skúlason fór meiddur af velli þegar Kardemir Karabükspor laut í lægra haldi fyrir Alanyaspor, 0-2, á heimavelli í tyrknesku úrvalsdeildinni í fótbolta í dag.

Ólafur Ingi var í byrjunarliði Karabükspor en meiddist snemma leiks og var tekinn af velli á 13. mínútu.

Vagner Love, sem gerði garðinn frægan með CSKA Moskvu á sínum tíma, skoraði bæði mörk Alanyaspor í leiknum.

Ólafur Ingi og félagar eru í 10. sæti deildarinnar með 17 stig, jafn mörg og Alanyaspor en betri markatölu.