Lærisveinar Ólafs upp að hlið Bröndby

Hannes Þór Halldórsson og félagar í Randers undir stjórn Ólafs Kristjánssonar unnu 2-1 sigur á Viborg fyrr í dag en með sigrinum komst Randers upp að hlið Bröndby í 3. sæti deildarinnar.

Var þetta þriðji sigur Randers í röð sem með sigrinum lyfti sér upp að hlið Bröndby en Kaupmannahöfn virðist vera í sérflokki með níu stiga forskot á toppnum.

Bröndby með Hjört Hermannsson innanborðs varð af mikilvægum stigum í 0-1 tapi gegn OB Odense á útivelli í dag.

Hjörtur lék allan leikinn í dag í vörninni hjá Bröndby en þetta var aðeins annar sigur Odense í síðustu tólf deildarleikjum.