Skotárásin í Breiðholti: Lögreglan óskar eftir aðstoð almennings

Lögreglan á höfuðborgarsvæðinu óskar eftir því að allir þeir sem telja sig hafa vitneskju um skotárásina sem átti sér stað í Breiðholti síðastliðinn föstudag, eiga myndir af vettvangi eða myndbandsupptökur að setja sig í samband við lögreglu í síma 444-1000, með því að senda tölvupóst (abending@lrh.is) eða með því að senda einkaskilaboð í gegnum Facebook-síðu lögreglunnar.

Þetta kemur fram í tilkynningu frá lögreglunni en þar segir að rannsókn málsins miði ágætlega. Þó séu enn nokkur atriði sem eru óljós og biðlar lögreglan því til almennings um aðstoð.