Þremur hefur verið meinað að fljúga á síðustu dögum
Þremur einstaklingum hefur á undanförnum dögum verið vísað úr flugi á leið frá Keflavíkurflugvelli.
Lögreglan á Suðurnesjum hafði afskipti af tveimur mönnum sem áttu bókað flug til Gdansk en fengu ekki að fara með vélinni samkvæmt ákvörðun flugstjóra. Þeir gistu að eigin ósk á lögreglustöðinni í Keflavík.
Þá lét annar maður ófriðlega á flugstöðinni þar sem honum hafði verið synjað um að fara um borð í flugvél vegna ölvunar. Hann sættist á að fá flugmiða sínum breytt og láta renna af sér, að því er segir í tilkynningu frá lögreglunni á Suðurnesjum.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
