Noregur: Tíu ára stúlka lést eftir leik í snjónum

Lögregla í Nyrðri-Þrændalögum í Noregi hefur staðfest að tíu ára stúlka, sem slasaðist alvarlega eftir leik í snjónum í gærkvöld sé látin.

Slysið átti sér stað við gistiheimili í héraðinu Lierne en stúlkan sjálf var frá Namdalnum.

Í frétt NRK kemur fram að stúlkan hafi fests í snjóskafli. Nágranni kom að stúlkunni og gerði endurlífgunartilraunir ásamt heilbrigðisstarfsmanni í nágrenninu, en hún var síðar flutt með sjúkraflugi til höfuðborgarinnar Óslóar þar sem hún var úrskurðuð látin.

Bård Krogstad, talsmaður lögreglunnar í Nyrðri-Þrændalögum, segir að stúlkan hafi verið ein úti að leika með skóflu í snjónum þegar slysið varð. Hafi hún líklegast fest höfuðið í holu og grafist undir í snjó.

Lögreglu barst fyrst tilkynning um slysið klukkan 23:38 að staðartíma, en slysið varð líklegast um klukkan 22:20.

Det har skjedd en ulykke ved Holand Gjestegård. En jente på 10 år er alvorlig skadd under lek. Helse er på stedet. Politiet er på tur.

— Politiet N-Trøndelag (@politiNTrondops) January 22, 2016

Jenta har vært ute og lekt alene. En nabo oppdaget at jenta satt fast i en snødunge like ved hytta/teltet.

— Politiet N-Trøndelag (@politiNTrondops) January 23, 2016

SOH bekrefter at jenta har omkommet som følge av hendelsen i går kveld.

— Politiet N-Trøndelag (@politiNTrondops) January 23, 2016