Conte eða Allegri til Chelsea?

Ítölsku þjálfararnir Antonio Conte og Massimiliano Allegri eru báðir orðaðir við Chelsea. Conte þjálfar ítalska landsliðið en Allegri er að þjálfa Juventus.

Fari svo að Allegri semji við Chelsea þá er Juventus sagt hafa augastað á Mauricio Pellegrini, stjóra Man. City, en hann verður í atvinnuleit í sumar.

Allegri er þó ekki sá Ítali sem er efstur á óskalista Chelsea því þar ku sitja Antonio Conte. Ítalskir fjölmiðlar héldu því fram í morgun að Conte væri búinn að ná samkomulagi við enska liðið. Það hefur þó ekki verið staðfest.

Það bendir þó æði margt til þess að það verði ítalskur bragur á liði Chelsea á komandi leiktíð.