Hvað sagði Pique við aðstoðardómarann?

Búið að greina frá því hvað varð þess valdandi að Gerard Pique, varnarmaður Barcelona, fékk að líta rauða spjaldið í gær.

Þá var Barcelona að spila seinni leikinn gegn Athletic Bilbao í spænsku meistarakeppninni og var 1-0 yfir er Pique fékk að fjúka út af fyrir að rífa kjaft.

Eftir því sem fram kemur í skýrslu dómarans þá öskraði Pique á línuvörðinn „Ég mun skíta á hóruna hana móður þína". Fyrir það var hann rekinn af velli. Réttilega.

Hann er þar með farinn í leikbann og missir af byrjun tímabilsins hjá Barca. Fyrsti leikur Barca er einmitt gegn Bilbao. Líklegt er að hann fái langt leikbann fyrir þessa hegðun.