Hólmar Örn og félagar með fimm stiga forystu á toppi deildarinnar

Hólmar Örn Eyjólfsson lék allan leikinn í liði Rosenborg sem vann sannfærandi 3-0 sigur á Odd í norsku úrvalsdeildinni í knattspyrnu. Hólmar Örn átti stoðsendingu í fyrsta markinu og nældi sér í gult spjald í leiknum.

Guðmundur Kristjánsson og Matthías Vilhjálmsson léku báðir allan leikinn með Start er liðið tapaði fyrir Tromsö á útivelli, 1-2.

Rosenborg er sem fyrr í efsta sæti deildarinnar en Rosenborg er með 36 stig, fimm stigum meira en Stabæk sem situr í öðru sæti. Start er í 9. sæti með 19 stig.