Vöxuð í sjálfsmyndatöku

Madame Tussauds-vaxmyndasafnið í London er nú í óðaönn að undirbúa næsta vaxmyndastykkið og er engin önnur en sjálf Kim Kardashian í smíðum.

Mun glanspían mótuð þannig að hún sé í miðri sjálfsmyndatöku, sem hin raunverulega Kim kann manna best, en hún gaf einmitt út bók, Selfish, stútfulla af sjálfsmyndum ekki alls fyrir löngu. Bókin hefur fengið gríðarlega góðar viðtökur. 

Segja aðstandendur safnsins ekki annað hafa komið til greina, enda séu „sjálfurnar“ hennar einkennismerki og geta gestir safnsins látið smella mynd af sér með sjálfsmyndadrottningunni.

Þó verða reglur hennar hátignar í hávegum hafðar, en í umræddri bók kemur skýrt fram að ekki skuli taka fleiri en þrjár „sjálfur“ á hverjum stað.