Stjörnufans á frumsýningu Ronaldo | Myndir

Heimildarmyndin Ronaldo var frumsýnd í London í gær og fjöldi þekktra einstaklinga fór með Cristiano Ronaldo í bíó.

Myndin er tekin upp á síðasta ári og í henni er fylgst með lífi Ronaldo innan sem utan vallar. Aðdáendur kappans fá því helling fyrir peninginn á þessari mynd.

Á meðal þeirra sem mættu voru Sir Alex Ferguson, fyrrum stjóri Man. Utd, sem og Jose Mourinho, stjóri Chelsea og fyrrum þjálfari Ronaldo hjá Real Madrid.

Annar fyrrum þjálfari Real Madrid, Carlo Ancelotti, var einnig á svæðinu sem og sjónvarpsmaður Sky, Gary Neville, en hann lék auðvitað með Ronaldo hjá Man. Utd.