Drogba heldur áfram að raða inn mörkum í Bandaríkjunum

Didier Drogba, fyrrverandi framherji Chelsea, heldur áfram að fara hamförum í MLS-deildinni í Bandaríkjunum þar sem hann er nú búinn að skora tólf mörk í tólf leikjum.

Drogba skoraði þriðja markið fyrir Montreal Impact í 3-0 sigri á samlöndum sínum í Toronto FC, en með sigrinum komst Impact í undanúrslit austurdeildarinnar.

Toronto var búið að bíða í níu ár eftir að komast í úrslitakeppnina og tjaldaði miklu til á þessu tímabili. Það fékk landsliðsmennina Jozy Altidore og Michael Bradley heim, en er nú úr leik þökk sé Drogba og félögum.

Fílabeinsstrendingurinn skoraði þriðja markið og innsiglaði flottan sigur Montreal-liðsins sem var ekki spáð góðu gengi á tímabilinu.'

Markið hjá Drogba má sjá í spilaranum hér að ofan.