Hafa fengið vísbendingar um Hörð en leit enn árangurslaus

Lögreglan á höfuðborgarsvæðinu lýsir enn eftir hinum 25 ára gamla Herði Björnssyni en síðast er vitað um ferðir hans á Laugarásvegi um klukkan fjögur, aðfaranótt fimmtudags. Þá var hann ekki í skóm.

Samkvæmt upplýsingum frá lögreglunni hafa henni borist vísbendingar frá almenningi vegna leitarinnar sem er þó enn árangurslaus.

Talið er að Hörður sé klæddur í svartar buxur og gráa peysu, líkt og á meðfylgjandi myndum. Hörður er 188 cm á hæð, grannur, ljóshærður og með rautt skegg. Lögreglan hvetur almenning enn til að leita vel í nærumhverfi sínu, svo sem húsum, skúrum, bílum og görðum.

Þeir sem geta gefið upplýsingar um ferðir Harðar eru beðnir um að hafa samband við lögreglu í s. 8431106 eða með skilaboðum á Facebook-síðu lögreglunnar.