Fótbolti

Albert valdi líklega rétt | Myndband

Tómas Þór Þórðarson skrifar
Albert í körfufótbolta.
Albert í körfufótbolta. mynd/skjáskot
Albert Guðmundsson, leikmaður Hollandsmeistara PSV Eindhoven, tók því rólega á frídegi í dag og skellti sér út í körfubolta.

Albert, sem er ein af vonarstjörnum íslenska fótboltans, æfði líka körfubolta upp yngri flokkana hjá KR og þótti nokkuð góður.

Hann fór mjög ungur út í atvinnumennsku til Heerenveen í Hollandi og var svo fenginn til Hollandsmeistarana í PSV í sumar.

Albert tók nokkur skot upp upp á símann sinn þar sem hann skaut með annarri og gekk ansi illa að hitta. Miðað við myndbandið virðist hann hafa gert rétt með að velja fótboltann.

Albert er þó með „tötsið“ í fótunum eins og hann sýndi í öðru myndbandi sem hann skrifaði við: „Hentar líklega betur.“

Þar heldur Albert boltanum á lofti nokkrum sinnum og sparkar honum svo af nokkurra metra færi ofan í körfuna. Ansi skemmtilega gert.

Frægt er atvikið þegar alnafni hans og langafi, Albert Guðmundsson, gerði mjög svipaðan hlut í Laugardalshöll þegar Harlem Globetrotters voru í heimsókn hér á landi.

Albert hermdi því eftir tilþrifum langafa síns sem er, eins og allir vita, einn allra besti knattspyrnumaður í sögu Íslands og fyrsti atvinnumaðurinn.

Fótbolti

Mest lesið


Fleiri fréttir

Sjá meira


×

Mest lesið