Erlent

72 látnir í loftárásum í Sýrlandi

Aðalsteinn Kjartansson skrifar
Sýrlenska mannréttindavaktin segja að tunnusprengjum hafi verið varpað á Aleppo.
Sýrlenska mannréttindavaktin segja að tunnusprengjum hafi verið varpað á Aleppo. Vísir/AFP
Að minnsta kosti 72 er látnir eftir að tunnusprengjum var varpað á norðurhluta  Aleppo  í Sýrlandi. Sýrlenska mannréttindavaktin segir loftárásirnar vera mestu fjöldamorð sem stjórnvöld í Sýrlandi hafa framið á árinu.



Samtökin, sem eru með höfuðstöðvar í  London , segja að sextíu hafi látist í loftárásum sem gerðar voru á  al-Bab , bæ sem er undir stjórn Íslamska ríkisins, og tólf til viðbótar hafi fallið í búðum uppreisnarmanna í borginni  Aleppo . 



Sýrlensk stjórnvöld hafa neitað að nota tunnusprengjur í baráttunni við Íslamska ríkið. Tunnusprengjur eru ílát sem innihalda nokkurn fjölda sprengja sem geta jafnað mörg hús við jörðu samtímis.



Notkun tunnusprengja hefur verið fordæmd víða og sagði John  Kerry ,  utanríkisráðherra  Bandaríkjanna, á síðasta ári að notkun slíkra sprengja vera villimennsku af hálfu sýrlensku stjórnarinnar.

Mest lesið


Fleiri fréttir

Sjá meira


×

Mest lesið