Eiður Aron til Þýskalands

Eiður Aron Sigurbjörnsson er genginn í raðir þýska liðsins Holsten Kiel, en þeir leika í C-deildinni í Þýskalandi. Hann kemur frá Örebro í Svíþjóð.

Eiður Aron spilaði stórt hlutverk í vörn Örebro á síðustu leiktíð, en hann spilaði 28 leiki af 30 hjá Örebro sem endaði í níunda sæti af átján liðum þrátt fyrir hörmulega byrjun.

„Ég er mjög spenntur fyrir þessu. Það stóð alveg til boða að vera áfram í Skandinavíu en þetta kom upp og eftir að ég heimsótti þá í nóvember var ég ákveðinn í að þangað vildi ég fara," sagði Eiður í samtali við Fótbolta.net í dag sem greindi frá þessu í dag.

Eiður sem er uppalinn í Vestmannaeyjum gengur í raðir liðsins 1. janúar, en Holsten Kiel er með 20 stig í þrettánda sæti þýsku C-deildarinnar. Þeir hafa unnið fimm leiki, gert fimm jafntefli og tapað átta leikjum.

Þeir hafa fengið á sig fimmtu flestu mörkin á sig í deildinni, en Eiði er líklega ætlað að stoppa í götin í varnarleik Kiel.