Dæmdur í tveggja leikja bann fyrir að svara kynþáttaníðssöngvum

Emmanuel Frimpong, fyrrum leikmaður Arsenal, var í gær dæmdur í tveggja leikja bann af hálfu rússneska knattspyrnusambandsins eftir að hafa svarað stuðningsmönnum Spartak Moscow sem voru með kynþáttaníð gagnvart honum.

Frimpong sem hefur verið flakki undanfarin ár en hann hefur ásamt Arsenal leikið fyrir Wolves, Charlton, Fulham og Barnsley undanfarin ár á Englandi. Frimpong skrifaði undir hjá rússneska liðinu Ufa síðasta haust en hann var að leika sinn 18. leik fyrir félagið er hann fékk rauða spjaldið.

Gaf dómarinn lítið fyrir útskýringar Frimpong um að stuðningsmenn Spartak væru með kynþáttaníð í garð hans eftir að hafa sýnt honum rautt spjald fyrir að gefa þeim fingurinn.

Rússneska knattspyrnusambandið fann hinsvegar engar sannanir fyrir því að stuðningsmennirnir hefðu verið kynþáttaníð í garð hans og dæmdu Frimpong í tveggja leikja bann en þetta er ekki í fyrsta sinn sem leikmenn kvarta undan kynþáttarníði í Rússlandi.

Var Christopher Samba, fyrrum miðvörður Q.P.R. og Blackburn dæmdur í tveggja leikja bann fyrir að svara kynþáttaníði á sínum tíma.