Maður fannst látinn í sundlaug á heimili Demi Moore

Maður fannst látinn á sunnudagsmorgun í sundlaug á heimili leikkonunnar Demi Moore í Beverly Hills í Los Angeles.

Lögreglan var kölluð út um klukkan hálfsex að staðartíma og var þá tilkynnt um að 21 árs gamall karlmaður væri látinn í lauginni.

„Demi Moore var ekki heima þegar þetta gerðist og enginn af hennar nánustu fjölskyldu,“ segir lögreglumaðurinn Matthew ones í samtali við CNN.

Fimm voru yfirheyrðir á heimili Moore vegna dauða mannsins.

„Það var partý í húsinu en við vitum ekki hver hélt það partý,“ segir Jones.

Lögreglan gefur að svo stöddu ekki upp nafn mannsins en talið er að um slys hafi verið að ræða.