Riðill Brasilíu galopinn | Myndband

Perú hafði betur gegn Venesúela, 1-0, í C-riðli í Suður-Ameríkukeppninni í nótt.

Fyrir vikið eru öll fjögur lið riðilsins jöfn að stigum eftir tvær umferðir. Perú, Venesúela, Brasilía og Kólumbía eru öll með þrjú stig.

Claudio Pizarro skoraði eina mark leiksins á 72. mínútu en Venesúela missti mann af velli með rautt spjald um miðjan fyrri hálfleik þegar Fernando Amorebieta lét reka sig af velli.

Venesúela hefði nánast tryggt sér sæti í 8-liða úrslitunum með sigri en Amorebieta varð að skúrki þegar hann fékk rautt fyrir að traðska á Paolo Guerrero.

Síðari hálfleikur var opnari en sá fyrri og náði Perú að skapa sér fleiri færi. Pizarro færði sér mistök Tomas Rincon sem átti misheppnaða hreinsun frá marki, beint fyrir fætur Pizarro sem kláraði færið örugglega.

Venesúela má nú ekki tapa fyrir Brasilíu í lokaumferðinni til að komast áfram en Perú mætir Kólumbíu í hinni viðureigninni.