Breyta klifurleiðinni upp á Everest

Til stendur að breyta leiðinni sem fjallgöngumenn nota til að komast á topp hæsta fjalls heims, Everest.

Er þetta gert af ótta við aukna snjóflóðahættu á þeirri leið sem vanalega hefur verið farin en í apríl á síðasta ári létust 16 manns í snjóflóði í fjallinu. Það er mesta manntjón sem orðið hefur í einum og sama leiðangrinum á Everest, en hinir látnu voru allir sjerpar sem voru á leið upp með tjöld reipi og mat.

Snjóflóðið leiddi meðal annars til þess að sjerpar lögðu niður störf og kröfðust betri kjara og vinnuaðstæðna, og hefur ríkisstjórn Nepal heitið því að bæta öryggi þeirra sem halda á Everest í ár.