Rúrik til Þýskalands?

Rúrik Gíslason, kantmaður FC Kaupmannahöfn í Danmörku og íslenska landsliðsins, er á leið til FC Nurnberg í þýsku B-deildina samkvæmt fjölmiðlum í Danmörku.

Rúrik sem hefur leikið með FCK frá 2012, en hann hefur leikið 94 leiki og skorað í þeim sjö mörk. Hann lék þar áður með OB og Viborg í Danmörku.

Nurnberg lenti í níunda sæti B-deildarinnar í Þýskalandi, en þeir léku alls ekki fyrir löngu í úrvalsdeildinni og er um mikið og sögufrægt félag að ræða. Heimavöllur þeirra tekur meðal annars um fimmtíu þúsund manns.

Björn Bergmann Sigurðarson er einnig á förum frá FCK, en hann var á láni hjá félaginu frá Wolves. Danska liðið ætlar ekki að nýta sér forgangskauprétt á Birni Bergmanni, en hann er á leið í aðgerð.

Ståle Solbakken, þjálfari FCK, segir í samtali við heimasíðu FCK að þeir munu þó fylgjast grannt með gangi mála hjá Birni Bergmanni eftir aðgerðina sem hann er á leið í. Björn á eitt ár eftir af samningi sínum við Wolves.

Dönsku deildinni lýkur í dag, en FCK endar í öðru sæti deildarinnar sama hvernig fer í dag. Rúrik verður svo í leikmannahópi Íslands sem mætir Tékklandi í stórleik í undankeppni EM á föstudag.

German club Nuremberg are closing in on FC Copenhagen winger Rurik Gislason. Kevin Foley & Bjørn Sigurdarson will also leave the club.

— Danish Football News (@DanishFooty) June 7, 2015