Unnu þrettánda bikarúrslitaleikinn í röð

Svissneska liðið FC Sion vann þrettánda bikarúrslitaleikinn í röð í dag þegar liðið lagði Basel af velli, 3-0.

Fyrir leikinn hafði Sion ekki tapað í síðustu tólf úrslitaleikjum sem liðið hafði farið í i, en þeir höfðu unnið ellefu í venjulegum leiktíma og einn þeirra vannst í vítaspyrnukepni.

Moussa Konate kom Sion yfir eftir átján mínútna leik og þannig stóðu leikar í hálfleik. Edimilson Fernandes og Carlitos skoruðu sitt hvort markið í síðari hálfleik og lokatölur 3-0.

Á þessari öld hefur Sion unnið bikarinn 2015, 2011, 2009 og 2006, en níu sinnum á síðustu öld. Magnaður árangur þar á bæ og er á vísan að róa þegar Sion fer í úrslitaleikinn.