Leikmaður Aston Villa dó áfengisdauða á Tenerife

Jack Grealish, miðjumaður Aston Villa, er í basli eftir að vafasamar myndir hafa birst af honum í enskum fjölmiðlum.

Grealish er í fríi í Tenerife á Kanaríeyjum en myndirnar sem birtust virðast sýna hann liggja meðvitundarlausan í götunni eftir að hafa dáið áfengisdauða.

„Félagið veit af myndum sem eru nú í dreifingu,“ sagði í yfirlýsingu sem Aston Villa birti í dag. „Við munum funda með leikmanninum en tekið verður á málinu innan félagsins.“

Grealish er nítján ára leikmaður sem vann sér sæti í aðalliði Aston Villa á tímabilinu.