Gylfi Þór bestur í dag | Einkunnir íslenska liðsins

Gylfi Þór Sigurðsson var besti leikmaður vallarins að mati Vísis í 2-2 jafntefli Íslands og Lettlands í undankeppni EM 2016 en Gylfi skoraði seinna mark Íslands í leiknum.

Aukaspyrna Gylfa í upphafi leiksins leiddi til fyrsta marks leiksins en og skoraði annað mark leiksins eftir glæsilegan sprett.

Þá var Kolbeinn öflugur í leiknum en varnarlína liðsins sem hefur staðið vakt sína með prýði hingað til í keppninni var ekki nægilega góð í dag og spurning hvort fjarvera Kára Árnasonar hafði hafði eitthvað að segja.



Byrjunarlið:

Hannes Þór Halldórsson, markvörður   6

Varði tvisvar vel í fyrri hálfleik. Gat lítið gert í mörkunum.

Birkir Már Sævarsson, hægri bakvörður  6

Tapaði boltanum á hættulegum stað undir lok fyrri hálfleiks en í kjölfarið fengu Lettar sitt besta færi. Bauð ekki upp á mikið sóknarlega.

Kári Árnason, miðvörður -

Meiddist snemma leiks og þurfti að fara af velli.

Ragnar Sigurðsson, miðvörður 6

Lenti í meiri vandræðum en oftast í undankeppninni til þessa. Bjargaði sér þó oftast.

Ari Freyr Skúlason, vinstri bakvörður 6

Var of seinn að setja pressu á Deniss Rekels í jöfnunarmarki Letta. Gerði lítið fram á við.

Jóhann Berg Guðmundsson, hægri kantmaður 7

Fékk dauðafæri snemma leiks sem hann hefði átt að nýta. Sást lítið í seinni hálfleik.

Emil Hallfreðsson, miðjumaður 5

Góður á boltanum en Lettar fengu alltof oft of mikið pláss milli miðju og varnar. Mikilvægi Arons Einars Gunnarssonar kom bersýnilega í ljós í dag. Fékk þó ekki alltaf mikla hjálp.

Gylfi Þór Sigurðsson, miðjumaður 8

Frábær í sóknarleiknum. Skoraði magnað mark og átti skotið sem leiddi til fyrsta marksins. Fíflaði Igors Tarasovs hvað eftir annað. Full kærulaus í varnarleiknum.

Birkir Bjarnason, vinstri kantmaður  5

Líflegur og duglegur að vanda. Datt niður í seinni hálfleik eins og allt liðið.

Alfreð Finnbogason, framherji 7

Ákveðinn í að nýta tækifærið í byrjunarliðinu og sanna sig. Útsjónarsamur og skapandi. Hann og Jóhann Berg náðu vel saman. Mjög duglegur og sífellt að bjóða sig. Fór minna fyrir honum í seinni hálfleik.

Kolbeinn Sigþórsson, framherji 8

Komst upp fyrir Ríkharð Jónsson á markalistanum þegar hann kom Íslandi yfir strax á 5. mínútu. Var mjög líflegur og góður í tengispilinu.

Varamenn:

Sölvi Geir Ottesen 5 (Kom inn á fyrir Kára Árnason á 18. mínútu)

Ekkert sérstök innkoma. Var of langt frá Valerjis Sabala þegar hann jafnaði metin.

Eiður Smári Guðjohnsen 6 (Kom inn á fyrir Alfreð Finnbogason á 65. mínútu)

Tapaði boltanum í aðdraganda jöfnunarmarks Lettlands. Lagði upp gott færi fyrir Kolbein.