Robben á eftir að sakna Guardiola

Hollenski landsliðsmaðurinn Arjen Robben er sorgmæddur yfir því að Pep Guardiola muni yfirgefa Bayern München næsta sumar.

Guardiola hefur gefið út að hann hætti í lok tímabils og Bayern er þegar búið að ráða Carlo Ancelotti sem arftaka hans.

„Það er algjör synd að Guardiola sé að fara og ég er svekktur að missa hann," sagði Robben.

„Við verðum að bíða og sjá hvernig hlutirnir ganga með Ancelotti. Það er alltaf þannig með nýja þjálfara. Það þarf að byrja upp á nýtt.“

Robben missti af síðustu leikjum Bayern á árinu vegna meiðsla en verður klár í bátana þegar deildin hefst á nýjan leik.