Diskerud svarar Wambach fullum hálsi

Mix Diskerud, leikmaður bandaríska landsliðsins og New York City, þykir ekki mikið til málflutnings Abby Wambach koma.

Wambach gagnrýndi Jürgen Klinsmann harkalega í vikunni fyrir að taka leikmenn inn í landsliðið sem eru ýmist ekki fæddir í Bandaríkjunum eða tvöfalda ríkisborgara sem ólust upp í öðrum löndum.

Meðal þeirra sem falla undir þá skilgreiningu er Aron Jóhannsson, sem fæddist í Bandaríkjunum en ólst að mestu upp á Íslandi. Aron á þar að auki íslenska foreldra og lék með yngri landsliðum Íslands.

Sjá einnig: Abby ekki ánægð með að Klinsmann skuli nota „útlendinga“ eins og Aron

Wambach segir að fremur en að nota þessa leikmenn eigi frekar að hlúa betur að ungum leikmönnum sem spila í Bandaríkjunum.

„Það að hann hafi komið inn með fullt af erlendum leikmönnum inn í liðið er eitthvað sem ég mun aldrei trúa á. Í mínu hjarta trúi ég ekki á slík vinnubrögð," sagði Wambach sem lagði skóna sína á hilluna í vikunni eftir langan feril.

Diskerud segir að það sé afar ósanngjarnt af Wambach af taka fyrir ákveðinn hóp leikmanna í liðinu. Það sé hópur manna sem búi við sömu réttindi og aðrir Bandaríkjamenn og hafi barist fyrir ættarjörð sína og varið bandarísku þjóðina á vígvelli.

Diskerud á bandaríska móður en norskan föður og ólst upp í Noregi.

Wow Abby, I guess there are pros and cons in limiting the base for selection. You have just singled out a few of us. But why? Why are we your single oddballs? Think about who you try to disenfranchise. Because if you see us as the group to disenfranchise, then at least let it be known who we are. Stats and history will show - 'our group' has more than others produced volunteer and defending soldiers for what, by us, is willingly chosen and gathered to be worth protecting: Your nation. Wish you would accept it as ours too. I know we're not quite equal. From 'your group of people' the country's Commander in Chief need to be selected. However, other than that - you and I share something not unique, but constitutionally earned, a birthright to defend this nation as an American. Wherever we go. Led by whoever has earned, by democratic process, his/her right to lead, on or off the field, in peace, in war, in practice, or in any other kind of pursuit of your happiness. Enjoy your retirement. But stay active. We all need you. Oddballs or not. Mix

A photo posted by Mix Diskerud (@mixdiskerud) on Dec 17, 2015 at 11:15am PST