Memphis og Van Persie ekki valdir í landsliðið

Danny Blind, landsliðsþjálfari Hollands, ákvað að skilja þá Memphis Depay og Robin van Persie eftir heima er hann valdi nýjasta landsliðshóp sinn.

Fram undan eru vináttulandsleikir gegn Wales og Þýskalandi. Hollendingar gátu ekkert í undankeppni EM og komast ekki á mótið.

Fyrir síðustu leiki riðilsins var sagt að leikmönnunum hefði lent saman en Blind gerði lítið úr því á sínum tíma. Hann hefur nú ákveðið að velja hvorugan þeirra í landsliðið.

„Van Persie þarf að bæta sig í því að vera klár frá fyrsti mínútu," sagði Blind um Van Persie og hann gefur líka ástæðu fyrir því af hverju Memphis Depay var ekki valinn.

„Í fótbolta verða menn að virka í liði. Það gengur ekki alltaf vel hjá honum."