Kári fékk rautt og missir af Zlatan í Malmö | Úrslit kvöldsins í Meistaradeildinni

Þetta var ekki gott kvöld fyrir Kára Árnason og félaga í liði Malmö í Meistaradeildinni en sænska liðið steinlá á útivelli á móti Shakhtar Donetsk í Úkraínu.

Kári Árnason fékk dæmt á sig vítaspyrnu á upphafsmínútu seinni hálfleiksins og úr henni kom Darijo Srna heimamönnum í 2-0.

Kári fékk gult spjald fyrir brotið og hann fékk síðan annað gult spjald á 90. mínútu og var því rekinn af velli.

Kári verður því í leikbanni þegar Malmö tekur á móti Zlatan Ibrahimovic og félögum í Paris Saint-Germain í Malmö í næsta leik.

Það eru eflaust gríðarleg vonbrigði fyrir íslenska landsliðsmiðvörðinn að missa af þeim leik en öll Malmö-borg mun fara á hliðina þegar Zlatan Ibrahimovic kemur í heimsókn 25. nóvember næstkomandi.

Manchester City og Real Madrid tryggðu sér bæði sæti í sextán liða úrslitum keppninnar eftir sigur í kvöld.

Manchester United skoraði sitt fyrsta mark í 404 mínútur og tryggði Manchester United 1-0 sigur á CSKA Moskvu og um leið efsta sætið í riðlinum.

Benfica er á toppnum í C-riðli eftir 2-1 heimasigur á Galatasaray en liðið er með fimm stigum meira en Tyrkirnir sem eru í þriðja sætinu.

Úrslit og markaskorarar í Meistaradeildinni í kvöld:



A-riðill

Real Madrid - Paris Saint-Germain    1-0

1-0 Nacho (35.)

Shakhtar Donetsk - Malmö    4-0

1-0 Oleksandr Hladkyi (29.), 2-0 Darijo Srna (48.), 3-0 Eduardo (55.), 4-0 Alex Teixeira (73.)

B-riðill

Manchester United - CSKA Moskva    1-0

1-0 Wayne Rooney (79.)

PSV Eindhoven - Wolfsburg    2-0

1-0 Jürgen Locadia (55.), 2-0 Luuk de Jong (85.)

C-riðill

Astana - Atlético Madrid    0-0

Benfica - Galatasaray    2-1

1-0 Jonas (52.), 1-1 Lukas Podolski (58.), 2-1 Luisao (67.)



D-riðill

Sevilla - Manchester City    1-3

0-1 Raheem Sterling (8.), 0-2 Fernandinho (11.), 1-2 Benoit Trémoulinas (25.), 1-3 Wilfried Bony (36.)



Borussia Mönchengladbach - Juventus    1-1

1-0 Fabian Johnson (19.), 1-1 Stephan Lichtsteiner (44.).



Stig liðanna í þessum riðlum:

A-riðill: Real 10, PSG 7, Shakhtar 3, Malmö 3.

B-riðill: Man. Utd 7, PSV 6, Wolfsburg 6, CSKA 4.

C-riðill: Benfica 9, Atlético Madrid 7, Galatasaray 4, Ast. 2

D-riðill: Man. City 9, Juventus 8, Sevilla 3, Borussia Mönchengladbach 2.