Lærisveinar Rúnars fengu skell í lokaumferðinni | Öll úrslit dagsins

Árni Vilhjálmsson, Finnur Orri Margeirsson og félagar í Lilleström undir stjórn Rúnars Kristinssonar fengu sannkallaðan skell í lokaumferð norsku úrvalsdeildarinnar í dag en Lilleström tapaði 0-5 á útivelli gegn Odd.

Er þetta í annað sinn á árinu sem Lilleström fær skell gegn Odd en Odd vann 6-1 sigur á Lilleström í æfingarleik í mars.

Árni og Finnur voru báðir í byrjunarliði Lilleström og léku allan leikinn en þeir gátu ekki komið í veg fyrir stórt tap Lilleström sem lenti í 8. sæti norsku úrvalsdeildarinnar eftir að hafa byrjað deildina með eitt stig í mínus vegna fjárhagsvandræða.

Matthías Vilhjálmsson og Aron Elís Þrándarson voru í byrjunarliðum Alesund og Rosenborg í 1-0 sigri Rosenborg sem var löngu búið að tryggja sér norska titilinn en Aalesund missti Bodo/Glimt upp fyrir sig í dag og lenti í 10. sæti.

Viking vann 3-1 sigur á Mjondalen í kveðjuleik Indriða Sigurðssonar og Jóns Daða Böðvarssonar en Steinþór Þorsteinsson kom inn af bekknum og lagði upp jöfnunarmark Mjondalen.

Steinþór var aftur á ferðinni undir lok leiksins þegar hann lagði upp þriðja mark Viking sem gulltryggði sigurinn fyrir Viking sem endaði í 5. sæti.

Öll úrslit dagsins:

Aalesund 0-1 Rosenborg

Bodo/Glimt 6-1 Stabæk

Haugesund 0-1 Tromsö

Odd 5-0 Lilleström

Sarpsborg 2-1 Sandefjord

Start 0-3 Molde

Stromsgodset 2-2 Valerenga

Viking 3-1 Mjondalen