Arnór Ingvi og félagar meistarar meistaranna í Svíþjóð

Arnór Ingvi Traustason og félagar í Norrköping fylgdu eftir sænska titlinum með því að sigra Hjálmar Jónsson og félaga í Göteborg í sænsku meistarakeppninni í kvöld.

Arnór Ingvi var að vanda í byrjunarliði Norrköping í leiknum en hann komst ekki á blað í leiknum. Arnór nældi í gult spjald á 55. mínútu áður en hann var tekinn af velli korteri fyrir leikslok.

Hjálmar Jónsson lék allar 90. mínútur leiksins í hjarta varnar Göteborg en gat ekki komið í veg fyrir mörk Norrköping.