Glódís og stöllur náðu aðeins jafntefli gegn Linköpings

Glódís Perla Viggósdóttir og stöllur í Eskilstuna náðu aðeins jafntefli gegn Linköpings á heimavelli í 21. umferð sænsku úrvalsdeildarinnar í knattspyrnu í dag.

Fyrir vikið er Rosengard með eins stigs forskot á Eskilstuna fyrir lokaumferðina sem fer fram um næstu helgi.

Eftir 5-0 sigur Rosengard á AIK í dag þurfti Eskilstuna á sigri að halda til þess að halda toppsætinu þegar ein umferð er eftir.

Ekkert mark kom í leikinn en það þýðir að Eskilstuna þarf að treysta á að Linköpings taki stig gegn Rosengard í lokaumferðinni á sama tíma og þær sigri leikinn gegn Göteborg.