Enn eitt jafnteflið hjá Eiði og félögum

Eiður Smári Guðjohnsen var í byrjunarliði Shijiazhuang Ever Bright sem gerði 2-2 jafntefli við Shanghai SIPG í kínversku úrvalsdeildinni í fótbolta í dag.

Þetta var 15. jafntefli Eiðs og félaga í 28 deildarleikjum á tímabilinu. Þeir eru í 6. sæti deildarinnar með 39 stig.

Eiður fór af velli á 75. mínútu en þá var staðan 2-1, Shanghai í vil.

Hvorki Viðar Örn Kjartansson né Sölvi Geir Ottesen voru í leikmannahópi Jiangsu Sainty sem gerði 1-1 jafntefli við Henan Jianye á heimavelli í dag.

Jiangsu er í 9. sæti deildarinnar en liðið hefur aðeins fengið tvö stig í síðustu fimm leikjum sínum.