Aldrei hefur stærra hlaup komið úr Skaftárkötlum frá því að mælingar hófust árið 1955, eða eftir að hlaupin hættu að ganga inn í Langasjó og hlaupa niður árfarveg Skaftár með þeim hætti sem þau gera í dag. Talið er að hlaupið hafi náð 3.000 rúmmetrum á sekúndu þegar það var í hámarki í gær.vísir/vilhelm
Skaftárhlaupið er það langstærsta sem mælingar ná til frá 1955. Ljóst að skemmdir á grónu landi eru tilfinnanlegar. Bændur hafa orðið fyrir miklu tjóni, óttast heimamenn. Mannvirki stóðust vatnsflauminn.
Vilhelm Gunnarsson, ljósmyndari Fréttablaðsins, var á Skaftárbökkum og festi sjónarspilið á filmu.
