Tsipras leitar stuðnings þingsins við niður­skurðar­til­lögum

Gríski forsætisráðherrann Alexis Tsipras fer með tillögur sínar um að gerðir til lausnar skuldavanda ríkisins fyrir þingið í dag.

Ríkisstjórn hans skilaði tillögunum til lánadrottna og fjármálaráðherra Evrusvæðisins í gær. Í þeim felst meðal annars 13 milljarða evra niðurskurður, jafnvirði 1.920 milljarða íslenskra króna.

Guardian greinir frá því að tillögurnar innihaldi einnig endurskoðun á lífeyriskerfi landsins og skattaafsláttum sem herinn og íbúar á grískum eyjum njóta. Tillögurnar verða einnig til umræðu hjá viðsemjendum Grikkja í dag og á morgun.

Samkvæmt BBC innihalda tillögurnar líka eftirfarandi: 

• skattahækkanir á flutningafyrirtæki
• samræmingu flestra virðisaukaskattsflokka í 23 prósent
• 300 milljóna evra niðurskurð til varnarmála
• einkavæðingu hafna og sölu á hlutum ríkisins í fjarskiptafélaginu OTE
• breytingar á eftirlaunafyrirkomulagi
• niðurfellingu á sérstökum skattaafsláttum til ríkra grískra eyja

Fjárfestar hafa tekið tillögunum fagnandi en markaðir tóku að hækka í morgun.