Leikmaður ársins hjá Crystal Palace framlengir við félagið

Miðvörðurinn Scott Dann hefur skrifað undir nýjan fimm ára samning við enska úrvalsdeildarliðið Crystal Palace.

Dann, sem er 28 ára, var valinn leikmaður ársins hjá Palace á síðasta tímabili en liðið endaði í 10. sæti.

„Ég er hæstánægður að vera búinn að skrifa undir nýjan samning og hlakka til framtíðarinnar á Selhurst Park,“ sagði Dann og bætti því við að hann hefði ákveðið að vera áfram hjá Palace þrátt fyrir áhuga annarra liða.

Dann kom til Palace frá Blackburn Rovers í janúar 2014 og hefur síðan þá leikið 51 leik og skorað fimm mörk fyrir Lundúnaliðið sem ætlar sér stóra hluti á næsta tímabili.

Sjá einnig: Cabaye snýr aftur í enska boltann

Auk Danns hafa James McArthur, Brede Hangeland, Jason Puncheon og Damien Delaney skrifað framlengt samninga sína við Palace.