Westgate verslunarmiðstöðin opnar á ný

Atli Ísleifsson skrifar 14. júlí 2015 16:26

Miklar endurbætur hafa verið gerðar á verslunarmiðstöðinni frá því að henni var lokað í september 2013. Vísir/AFP

Talsmenn kenískra yfirvalda segja að Westgate verslunarmiðstöðin í Naíróbí muni aftur opna á laugardaginn, nærri tveimur árum eftir hryðjuverkin sem þar voru framin.

67 manns létust og á annað hundrað særðust þegar fjórir liðsmenn hryðjuverkasamtakanna al-Shabab réðust til inngöngu í Westgate og skutu á gesti Westgate. Umsátursástand varði í fjóra daga.

Miklar endurbætur hafa verið gerðar á verslunarmiðstöðinni frá því að henni var lokað.

Hryðjuverkin voru framin þann 21. september 2013, en talið er að árásarmennirnir hafi látist af völdum reykeitunar í kjölfar elds í verslunarmiðstöðinni.

Tengdar fréttir

Norskur ríkisborgari grunaður um aðild að hryðjuverkum í Kenía

Hinn norski ríkisborgari Hassan Abdi Dhululow er fæddur í Sómalíu en hann fluttist til Noregs árið 1999 Hann er nú grunaður um aðild að hryðjuverkaárásinni á Westgate verslunarmiðstöðina í Kenía í síðasta mánuði.

17. október 2013 23:23

Tíu manns handteknir og flestir gíslarnir lausir

Stjórnvöld í Kenía segja búið að frelsa flesta gíslana, sem hafa verið í haldi í verslunarmiðstöð í Naíróbí.

23. september 2013 16:30

Rúmlega 60 fallnir og 170 liggja særðir eftir

Kenískar sérsveitir segjast hafa náð stjórninni á öllum hæðum Westgate verslunarmiðstöðvarinnar þar sem hryðjuverkamenn tóku fjölda gísla á laugardaginn var.

24. september 2013 07:36

Norska leyniþjónustan reyndi að tala hryðjuverkamanninn til

Norska leyniþjónustan reyndi að telja Hassan Abdi Dhulow, ofan af því að slást í lið með Sómölskum hryðjuverkamönnum fyrir þremur árum síðan. Hassan var einn af þeim sem réðust inn í Westgate verslunarmiðstöðina í Kenýa á dögunum en hann ólst upp í Noregi sem flóttamaður frá Sómalíu.

24. október 2013 07:38