Forsætisráðherra Svíþjóðar fluttur á sjúkrahús

Stefan Löfven, forsætisráðherra Svíþjóðar, var fluttur með hraði á sjúkrahús í morgun. Þetta staðfestir upplýsingafulltrúi hans í samtali við Aftonbladet.

Í upphafi vikunnar var Löfven gestur á ráðstefnu um þróunarsamvinnu í Addis Ababa, höfuðborg Eþíópíu. Í morgun sneri hann aftur til Svíþjóðar ásamt fylgdarliði og var í kjölfarið fluttur á sjúkrahús.

„Hann fann fyrir mikilli ógleði skömmu eftir lendingu og þótti ráðlegt að koma honum undir hendur heilbrigðisstarfsfólks,“ segir Anne Ekberg, upplýsingafulltrúi. Ekki er vitað hvað hrjáir forsætisráðherrann.