Vlaar frá í fjóra mánuði

Hollenski miðvörðurinn Ron Vlaar verður frá næstu fjóra mánuðina vegna hnémeiðsla.

Vlaar, sem er þrítugur, gekkst undir aðgerð á hné í Rotterdam á miðvikudaginn í síðustu viku og verður ekki klár í slaginn fyrr en eftir fjóra mánuði.

Vlaar er sem stendur án félags en hann yfirgaf Aston Villa í sumar eftir þriggja ára dvöl. Hann hefur m.a. verið orðaður við Lazio og Southampton að undanförnu.

Vlaar hefur leikið yfir 30 landsleiki fyrir Holland en hann var einn af bestu varnarmönnum HM 2014.