Fótbolti

Birkir stóðst læknisskoðun hjá Basel

Eiríkur Stefán Ásgeirsson skrifar
Birkir Bjarnason er á góðri leið með að ganga til liðs við FC Basel í Sviss samkvæmt frétt Basler Zeitung í dag.

Birkir hefur átt í viðræðum við forráðamenn Basel síðustu daga og herma heimildir blaðsins að hann hafi þegar staðist læknisskoðun hjá félaginu.

Það á þó enn eftir að ganga frá smáatriðum á milli Basel og Pescara, félags Birkis á Ítalíu, sem og við leikmanninn sjálfan. Greinarhöfundur telur þó afar líklegt að Birkir gangi innan skamms til liðs við svissnesku meistarana.

Birkir virtist á leið til Torino í ítölsku úrvalsdeildinni þar til að Basel kom skyndilega til sögunnar. Forseti Pescara varaði Birki við því að snúast hugur þar sem að allt væri frágengið á milli Pescara og Torino.

Sjá einnig: Birkir fær aðvörun frá forseta Pescara | Basel í myndinni

Birkir skoraði tólf mörk í 39 leikjum með Pescara í vetur og hefur verið eftirsóttur í sumar. Auk liða í ítölsku A-deildinni var Leeds talið vera á höttunum á eftir kappanum en nú virðist sem svo að hinn 27 ára Birkir sé á leið til Sviss.

Fótbolti

Tengdar fréttir

Torino keypti Birki á eina milljón evra

Íslenski landsliðsmaðurinn Birkir Bjarnason mun spila með Torino í ítölsku A-deildinni á næstu leiktíð en Torino hefur gengið frá kaupunum á Birkir frá b-deildarliðinu Pescara.

Fimm félög vilja fá Birki

Ítalskir fjölmiðlar segja að Birkir Bjarnason geti valið á milli fjögurra liða í ítölsku úrvalsdeildinni sem og Leeds á Englandi.

Mest lesið


Fleiri fréttir

Sjá meira


×

Mest lesið