Cavani ekki sá sleipasti í landafræðinni | Kallaði Jamaíka Afríkuland

Edinson Cavani, landsliðsframherji Úrúgvæ, var ekki alveg með landafræðina á hreinu þegar hann kallaði Jamaíku Afríkuland á dögunum.

Þegar Cavani var að rýna í mótherja Úrúgvæ í Suður-Ameríkukeppninni sagði hann um að það væri alltaf erfitt að spila á móti afrískum liðum og vísaði þar til Jamaíka en þessi litla eyja í Karabíahafinu er gestaþjóð á mótinu.

Í gær baðst Cavani svo afsökunar á ummælum sínum á Twitter en afsökunarbeiðni hans má sjá hér að neðan.

Þar segir hann að ummælin hafi komið illa út og biðst auðmjúklega afsökunar og vonast til að þessu verði tekið sem gríni.

Úrúgvæ og Jamaíka mætast í Suður-Ameríkukeppninni á morgun en þau eru í B-riðli ásamt Argentínu og Paragvæ.

First of all, I want to apologize to Jamaica and its people. In my mind, I have compared two similar styles and... pic.twitter.com/Z8O2tZbsxy

— Edi Cavani Official (@ECavaniOfficial) June 11, 2015