Úrslitaleikur Meistaradeildarinnar 2017 í Wales

UEFA opinberaði það á blaðamannafundi í Tékklandi í dag að úrslitaleikur Meistaradeildarinnar 2017 fer fram á Millenium-vellinum í Cardiff.

Við sama tækifæri var það gert opinbert að úrslitaleikur Evrópudeildarinnar sama ár fer fram á Vinavöllum í Stokkhólmi og keppt verður um Stórbikar Evrópu í Skopje í Makedóníu.

Millenium-völlurinn í Cardiff er einn flottasti völlur Evrópu, en þar spilar velsku landsliðin í fótbolta og ruðningi heimaleiki sína.

Völlurinn hýsti einnig úrslitaleik enska bikarsins og enska deildarbikarsins frá 2001-2006 á meðan verið var að byggja nýja Wembley.

Walesverjar voru mjög svekktir þegar UEFA valdi Millenium-völlinn ekki í hópinn yfir velli sem spilað verður á þegar EM 2020 fer fram víðsvegar um álfuna, en þeir fengu smá sárabót frá sambandinu í dag.