Úrúgvæ og Paragvæ í átta liða úrslit

Úrúgvæ og Paragvæ skildu jöfn 1-1 í Suður-Ameríkukeppninni í knattspyrnu í dag, en leikið er í Síle. Bæði mörkin komu í fyrri hálfleik, en með jafnteflinu tryggðu bæði liðin sér áfram.  

Jose Gimenez kom Úrúgvæ yfir á 29. mínútu, en Lucas Barrios, framherji Sevilla, jafnaði metin fyrir Paragvæ á lokamínútu fyrri hálfleiks og þannig stóðu leikar í hálfleik.

Ekki urðu mörkin fleiri í þeim síðari og lokatölur því 1-1.

Paragvæ er eftir jafnteflið á toppi riðilsins með fimm stig, en Argentína er á öðru og á leik til góða. Úrúgvæ er í þriðja sætinu með fjögur stig, en öll þessi þrjú lið eru komin áfram í átta liða úrslitum.