Sölvi Geir skoraði í tapi

Sölvi Geir Ottesen skoraði eina mark Jiangsu Guoxin-Sainty í 4-1 tapi gegn toppliði Shanghai East Asia FC í kínversku úrvalsdeildinni í knattspyru í dag.

Svíinn Tobias Hysen kom Shanghai East yfir og Lei Wu bætti við öðru marki fyrir hlé. Staðan 2-0 í hálfleik.

Sölvi Geir minnkaði muninn í upphafi síðari hálfleiks, en Jean Kouassi kom Shanghai í 3-1 og Tobias Hysen gerði út um leikinn með öðru marki sínu. Lokatölur 4-1 sigur.

Sölvi spilaði allan leikinn, en Viðar Örn Kjartansson kom inná sem varamaður í hálfleik. Jiangsu er í sjötta sætinu með 22 stig, en Shanghai á toppnum með 32 stig.