Róaði mannræningja með því að öskra "Messi, Messi, Messi“

Santiago Lopez, 28 ára gamall argentínskur landbúnaðarverkfræðingur, segist eiga Lionel Messi líf sitt að launa, en að hrópa nafn hans í gíslingu mannræningja hélt honum á lífi og á endanum bjargaði honum.

Lopez hefur undanfarið ár unnið í Nígeríu þar sem hann er að setja niður sojabaunir og korn í norðvestur hluta landsins.

Nígerískir glæpamenn, sem héldu að Lopez væri frá Norður-Ameríku, rændu Lopez og börðu hann sundur á saman á meðan hann var í gíslingu þeirra.

Nígeríumennirnir töluðu varla stakt orð í ensku og hvað þá spænsku og skildu því ekkert þegar Lopez reyndi að segja þeim að hann væri argentínskur.

Hann brá þá á það ráð að öskra: „Messi, Messi, Messi,“ á fullu og það róaði mannræningjana sem áttuðu sig á að Lopez væri Argentínumaður.

Lopez var haldið í þrjá daga áður en fyrirtækið sem hann starfar hjá fékk hann lausan með því að greiða uppóuppgefið lausnargjald.

Jorge Lopez, bróðir Santiago, sagði sögu hans í viðtali við argentínska blaðið Clarin.

„Ég átti að segja öllum frá honum að hann er þakklátur Messi. Að nefna Messi á nafn var það sem bjargaði honum,“ sagði Jorge Lopez.