Taarabt reynir fyrir sér hjá Benfica

Fótboltamaðurinn Adel Taarabt hefur samið við Benfica. Hann skrifaði undir fimm ára samning við portúgölsku meistarana.

Taarabt kemur frá QPR en samningi hans við félagið var rift fyrir nokkru.

Taarabt, sem er 26 ára, kom til QPR frá Tottenham árið 2009 og lék alls 164 leiki og skoraði 34 mörk fyrir félagið.

Hann var tvívegis lánaður frá QPR tímabilið 2013-14, fyrst til Fulham og svo AC Milan.

Taarabt lék aðeins átta leiki með QPR á síðasta tímabili en í október gagnrýndi Harry Redknapp, þáverandi knattspyrnustjóri liðsins, Marókkóann fyrir að vera alltof þungan og ekki í ásættanlegu formi.